Серија семејни драми во Македонија – мајки, ќерки и сопруги нападнати – МВР со детали!

Македонија повторно е потресена од низа семејни инциденти кои за само еден ден ја мобилизираа полицијата во Скопје, Тетово и Гостивар.

Во Кисела Вода, 75-годишна жена пријавила дека била физички нападната од сопствениот син и неговата сопруга, кои покрај тоа оштетиле и дел од покуќнината. Само еден час подоцна, 19-годишна девојка пријавила дека таа и нејзината мајка биле нападнати од таткото во нивниот дом.

Во Тетово, 30-годишна жена алармирала полицијата дека нејзиниот поранешен партнер ја следел и вознемирувал на улица, предизвикувајќи страв и несигурност.

Гостивар, пак, беше сцена на два сериозни случаи: прво, 31-годишен маж бил уапсен откако ја нападнал сопругата и упатил закани по нејзиниот живот и животот на нејзини блиски. Подоцна, 35-годишен жител агресивно се однесувал кон својата мајка, а кога полицијата интервенирала, тој почнал да ги омаловажува и навредува службениците.

Сите овие случаи се документираат и против сторителите ќе бидат поднесени соодветни кривични пријави.

Овие инциденти уште еднаш ја отвораат болната тема за семејното насилство во земјата и потребата од поголема заштита на жртвите. Полицијата апелира граѓаните да пријавуваат секој облик на насилство и да не молчат пред агресијата.

Share on Facebook

Tweet

Follow us

Save