Се бара екстрадиција на Шеваљ Муареми – се уште нема одговор од ОАЕ

Меѓународна потерница за главниот бос на криминалната група „Дуќанџик“, Шеваљ Муареми е објавена на сајтот на Министерството за внатрешни работи (МВР) веќе неколку месеци, како и уште за седум лица осомничени во најголемата полициска акција во поновата македонска историја. По месец дена откако беше сузбиена криминалната група, инволвирана во недозволена трговија со дрога и убиства, ликот на Муареми осамна во потрагите по исчезнати лица.

Шефот на Обвинителството за гонење на организиран криминал и корупција, Ислам Абази на брифинг со новинарите рече дека се во комуникација со властите во Дубаи, каде се наоѓа Муареми и ќе се бара негова екстрадиција.

Но и по неколку месеци од барањето на Абази, Муареми се уште не е испорачан во Македонија.

Како што открива новиот министер за правда Игор Филков на брифинг за новинарите две лица од криминалната група од Грчец се во Обединетите Арапски емирати меѓу кои е и Шеваљ Муареми. За нив е поднесено барање за екстрадиција на кое се уште нема одговор.

-Две лица од групата од Грчец се во Обединети Арапски Емирати, за двајцата се бара екстрадиција, барањето е примено во ОАЕ и засега нема никаков одговор, вели Филков.

Share on Facebook

Tweet

Follow us

Save