Се бара остaвка од Петков: Бугарија на нозе, граѓани во огромен број излегоа на улица поради ковид мерките

Стотици луѓе протестираа во Софија барајќи укинување на сите ограничувања воведени поради пандемијата и оставка на владата поради нерешавањето на здравствената криза.

Демонстрантите носеа бугарски знамиња и транспаренти на националистичката партија Препород, која го организираше протестот.

Тие скандираа „оставка“ и „слобода“ повикувајќи ја владата да поднесе оставка поради „нерешавањето на здравствената криза“. Протестот помина мирно, а беа забележани и силни полициски сили.

Демонстрантите го отфрлаат планот на владата за постепено укинување на ограничувањата во врска со Ковид-19, барајќи итно укинување на здравствените пропусници и задолжителното носење маски.

Здравствената карта потврдува вакцинација, негативен тест или неодамнешно прележување на вирусот и е задолжителна за внатрешна употреба.

Олеснувањето на ограничувањата ќе се одвива во три фази и ќе започне оваа недела, изјави Ангел Кунчев, главен здравствен инспектор. Планот има за цел да ги укине сите ограничувања до 20 март.

Бугарија, со 6,5 милиони жители, бележи намалување на бројот на инфекции со коронавирус овој месец. Денеска се пријавени 4.667 нови инфекции, додека на врвот на сегашниот бран, на крајот на јануари, дневно се пријавуваат над 12.000 нови случаи.

Share on Facebook

Tweet

Follow us

Save