СЕ ВРАЌААТ ТРИТЕ ВОЗА СКОПЈЕ-БИТОЛА: Еве кој е возниот ред и кои патници ќе се возат бесплатно!

Домашниот туризам традиционално бележи пораст во летните месеци. Патуваат и млади и стари. И двете категории може да ги користат и бесплатните возови.

Веста дека железничките транспортни врски на Битола се сведени на еден воз од Битола за Скопје заврши пред три месеци кога ЈП „Македонски железници“ ги врати истите линии на поаѓање од и доаѓање во градот.

Според сознанијата сеуште важат поволностите за младите и пензионерите за бесплатно возење. Имено според одлуката на владата од пред десетина години, којашто беше прекината само за време на пандемијата, сите млади лица до 27 години, студенти и средношколци секоја прва и трета недела во месецот во период на викенд денови може бесплатно да го користат железничкиот превоз кон сите дестинации во државата кадешто има воз.

Исто така, за пензионерите, односно за сите жени од 62 години и мажи од 64 години оваа мерка ќе важи секој втор викенд во месецот.

Инаку според информации од Македонски железници, од април се вратени возовите кои сообраќаат на релација Битола-Скопје-Битола. Дури три сообраќаат на оваа релација. Според возниот ред: од Скопје кон Битола воз поаѓа во 6.53часот наутро, попладне во 14.30 часот и 20.05 часот навечер. Од Битола кон Скопје продолжува да сообраќа единствениот кој беше останат, тој што поаѓа во 3.14 часот наутро. Вториот Битола-Скопје поаѓа во 12.47 часот на пладне и последниот од Битола кон светот тргнува во 18.23 часот.

Share on Facebook

Tweet

Follow us

Save