Се договара средбата Путин-Ердоган

Рускиот и турскиот министер за надворешни работи Сергеј Лавров и Хакан Фидан разговараат за агендата на идната средба меѓу претседателот Владимир Путин и Реџеп Таип Ердоган во Москва.
Имајќи предвид дека претседателите се подготвуваат за следната средба, верувам дека денеска ќе можеме детално да разговараме за прашањата што се подготвени за нивната средба“, рече Лавров во разговорот со Фидан.

Според него, меѓу Руската Федерација и Турција има значаен дијалог и за билатералната и за регионалната и меѓународната агенда, а состанокот на министрите во Москва ќе овозможи подготовка на „добри препораки за дискусија на нашите лидери“.
Шефот на турската дипломатија е во работна посета на Москва.
Според првичните информации, Ердоган и Путин ќе се сретнат на 4 септември во Сочи. Сепак, се уште нема официјална потврда за оваа информација.

Share on Facebook

Tweet

Follow us

Save