Се огласија од КФОР: Војниците без причина беа нападнати од агресивна толпа

Мисијата на КФОР соопшти дека во вчерашните судири во Звечан се ранети 30 војници, а одговорноста за настаните на северот на Косово треба да ја преземат и албанската и српската страна.

„Бројот на ранетите мировници при вчерашното неиспровоцирано насилство во општина Звечан е 30, од ​​кои 11 војници од италијанскиот и 19 од унгарскиот контингент се здобиле со повеќе повреди, меѓу кои и скршеници и изгореници од рачно изработени експлозивни запаливи направи. Тројца унгарски војници се ранети со употреба на живо огнено оружје. Нивните повреди не се опасни по живот“, се вели во соопштението на КФОР.

Се додава дека мисијата КФОР, предводена од НАТО, го зголеми своето присуство во четири општини на северот на Косово, со цел да го намали ризикот од ескалација, откако новоизбраните градоначалници се обидоа да стапат на функција.

„Подоцна војниците на КФОР беа нападнати од сè поагресивни толпи. КФОР секогаш дејствува решително и воздржано, во рамките на строгите Правила за ангажман на непристрасен начин соопшти КФОР.

Посочуваат дека командантот на КФОР, генерал-мајор Анџело Микела Ристиќ лично го следи развојот на ситуацијата.

Тој изрази солидарност со војниците на НАТО кои беа повредени за време на конфликтот.

„За да се избегнат конфликти меѓу страните и да се намали ризикот од ескалација, мировните сили на КФОР спречија закани по животите на косовските Срби и косовските Албанци. Двете страни треба да преземат целосна одговорност за она што се случи и да спречат каква било понатамошна ескалација, наместо да се кријат зад лажни наративи“, рече Ристуќа.

КФОР понатаму објави дека мисијата ќе продолжи да ги презема сите неопходни мерки за да обезбеди безбедна средина и слобода на движење за сите заедници во Косово, во согласност со нејзиниот мандат заснован на Резолуцијата 1244 на Советот за безбедност на ОН од 1999 година.

Share on Facebook

Tweet

Follow us

Save