Се повампири нацизмот и во Косово: Државата ќе ја обновува куќата на нацистичкиот соработник Џафер Дева!

Владата во Приштина одвои 300.000 евра за проектот за реновирање на куќата на нацистичкиот соработник Џафер Дева, што предизвика бурни реакции на почетокот на годината, за 2023 година, пренесува Коха.

Претходно оваа година, мисиите на УНДП и ЕУ ја прекинаа реставрацијата на куќата.

Косово има намера да инвестира и да ја реставрира зградата лоцирана во Митровица, што го потврди и министерот за култура Хајрула Чеку.

Во февруари оваа година, кога сè беше подготвено за почеток на конзервацијата и реставрацијата, реагираа косовските Срби, како и бројни организации, меѓу кои и германскиот амбасадор во Приштина, Јорн Роде, кој апелираше „да не се искривува вистината за холокаустот“.

Џафер Дева бил претседател на општината Косовска Митровица во окупираното Кралство Југославија за време на Втората светска војна, еден од соработниците на фашизмот во Косово, еден од основачите на Втората призренска лига и 21-та СС дивизија Скендербег, позната по своето учество во холокаустот врз Евреите на територијата на Косово и Метохија и министер за внатрешни работи во Владата на Албанија во периодот од октомври 1943 до јуни 1944 година.

Кога силите на Оската го окупираа Кралството Југославија во април 1941 година, Џева формирал општинска администрација во Косовска Митровица во која вработуваше исклучиво Албанци и Турци. Иако Дева беше претставник на албанско-германската соработка, Германците беа многу незадоволни од фактот што Дева ги ослободувал заробените комунисти и земал пари за возврат. На крајот на Втората светска војна, Дева бил евакуиран од Албанија и министерот за надворешни работи на Третиот рајх му помогнал да се насели во Австрија. Подоцна се преселил во Египет и конечно во САД каде што починал во 1978 година.

Share on Facebook

Tweet

Follow us

Save