Се преврте цистерна на автопат во Хрватска – возачот заспал зад воланот и удрил во оградата

Хрватската полиција објави деталите за превртувањето на цистерната на автопатот А4 помеѓу клучките Вараждин и Вараждинска Топлица, која ја управувал 43-годишен маж. Несреќата се случи вчера утрината околу 5 часот.

Во резервоарот имало компресиран гас, а според полицијата, човекот заспал зад воланот поради замор и удрил во заштитната ограда при свртување.

– После тоа, возилото продолжило да се движи преку заштитната ограда, поради што полуприколката се превртела на левата страна и го попречила целиот коловоз во спротивна насока – објавија тие.

За среќа, во несреќата е предизвикана само материјална штета.

Share on Facebook

Tweet

Follow us

Save