Се прегрупираат руските сили во Украина: Пристигнуваат нови 1300 чеченски доброволци

Москва испраќа воено засилување во украинскиот регион Харков, откако Киев соопшти дека нејзината прва голема украинска контраофанзива од пролетта оваа недела донела територијални придобивки.

Според Генералштабот на вооружените сили на Украина, група од околу 1.300 борци од чеченските единици на Рамзан Кадиров пристигнала во регионот Керсон за да ги засили руските војници на украинските територии под нивна контрола, пренесува Танјуг.

Украинските трупи ги потиснаа руските сили од голем број населени места во регионот под контрола на Москва уште од првите денови на војната, а според извештаите од Киев во петокот, се чини дека украинската војска продолжува со брзото напредување.

Во петокот вечерта во видео обраќање, претседателот Володимир Зеленски рече дека украинските сили ослободиле повеќе од 30 населби во регионот Харков.

Share on Facebook

Tweet

Follow us

Save