Се работи за убиство: ОЈО спроведува истражна постапка против 21-годишен жител на Богомила осомничен за кривично дело – Убиство

По спроведена претходна постапка, јавен обвинител од Основното јавно обвинителство Велес донесе Наредба за спроведување истражна постапка против 21-годишен жител на Богомила осомничен за кривично дело – Убиство од член 123 став 1 од Кривичниот законик.

Осомничениот, на 22 јануари, со умисла лишил од живот едно лице. Оштетениот 60-годишник дошол до куќата на осомничениот да ги повика својата сопруга, ќерката и помалиот син кои биле во домот на осомничениот да се вратат дома. Осомничениот на тоа излегол надвор и без причина започнал да го удира оштетениот со тупаници во пределот на градите. Ќерката на оштетениот ги раздвоила, но од повредите оштетениот починал.

Јавниот обвинител до судијата на претходна постапка достави предлог за определување мерки за претпазливост за осомниченото лице.​​

Share on Facebook

Tweet

Follow us

Save