Се спремаат за руски напад? Полските ученици ќе учат како да ракуваат со оружје и одбрана на државата!

„Заради запознавање со оружјето, учениците ќе имаат часови по стрелање. На овој начин Полјаците ќе можат да се одбранат“, изјави полскиот министер за образование Пжемислав Чарнек на телевизијата „Република“, пренесува „Л’Еспресо“.

„Да го дадевме овој предлог пред само неколку години, ќе се соочивме со силни критики од опозицијата. Но, денес мислам дека сите се согласуваме дека одбранбената обука мора да се врати“, изјави и министерот.

Полскиот лидер е убеден дека руската инвазија на Украина налага „преглед на прашањето за образованието за оружје кај младите“. Така, од 1 септември учениците од 8-мо одделение, но и оние од прва средношколска паралелка, на училиште ќе учат како да се бранат, поточно како да користат оружје.

Повозрасните ученици, од 11-то и 12-то одделение, посетуваат лекции за „безбедносно образование“ од 2017 година, кога се случи реформата во образованието, забележува цитираниот извор.

Истовремено, покрај вистинските часови по стрелање, учениците ќе учат, според министерот, техники за спасување и прва помош и ќе се здобијат со поими за државната безбедност. Целта е да се подготват студентите за заканите од војна, во контекст на руската инвазија на Украина.

Измените во училишната програма ќе стапат на сила во септември годинава, но средношколците прво ќе имаат настава по теорија, најавува полскиот печат. Тие нема да упаднат на стрелиштето само за прво да ги разберат основите на безбедно користење пиштол.

Друга причина би била тоа што засега недостига квалификуван кадар за обука на децата. „Тешко е да се замисли дека наставник по географија или физичко образование може да држи лекции за дозвола за оружје или пукање по краток курс за обука. И нема многу специјализирани инструктори, бидејќи Полјаците масовно не беа заинтересирани за оружје. Барем до избувнувањето на војната во Украина“, забележува полското издание Oko Press.

„Ако сакате мир, подгответе се за војна“
Сепак, со оглед на настаните од последните месеци, интересот на Полјаците за оружје се менува, според цитираниот извор. „Ако сакате мир, подгответе се за војна“, постојано им порачува премиерот Матеуш Моравјецки на полските граѓани.

Така, зајакнувањето на граѓанското општество би послужило за поддршка на армијата, чија задача е да го „одврати непријателот“, велат и властите.

На ист став е и народниот правобранител за правата на децата, Миколај Павлак. „Да им се дозволи на децата да научат како функционира пиштолот е да се чувствуваат побезбедно“, објаснува тој.

„Согласно полското законодавство, 15-годишно дете може да се образува на полето на сексуалноста, па зошто не би можеле да обучуваме и малолетници во областа на одбраната?“, нагласи народниот правобранител.

Така, Павлак отвори поширока дискусија за тоа што треба да се учи во полските училишта денес, имајќи предвид дека здравственото образование исчезна од училишната програма на полските ученици, која вклучуваше теми поврзани со безбедноста на учениците, забележува тој во „Л’Еспресо“.