СЕ СУДРИЈА ТРИ ВОЗИЛА, ТРОЈЦА ПОВРЕДЕНИ; Тешка несреќа на патот Скопје-Тетово

Две лица се тешко повредени, а уште едно полесно во сообраќајка меѓу три возила што се случила синоќа пред полноќ на автопатот Скопје – Тетово.

„На 11.09.2023 во 23.00 часот во СВР Скопје било пријавено дека на обиколница на град Скопје, на автопатот Скопје – Тетово, после клучка Волково, се случила сообраќајна несреќа помеѓу патничко возило „фолксваген туран“ со скопски регистарски ознаки, управувано од М.Љ.(35) од село Копаница, скопско, патничко возило „рено клио“ со тетовски регистарски ознаки, управувано од Ќ.З.(64) од Тетово и товарно возило „мерцедес“ со полуприколка со гостиварски регистарски ознаки, управувано од А.Ф.(50) од Гостивар.

Во несреќата со тешки телесни повреди се здобиле М.Љ. и сопатничка од возилото „рено клио“, С.З.(61) од Тетово, а со телесни повреди се здобил Ќ.З., констатирани во Градската општа болница „8 Септември“ и Комплексот клиники „Мајка Тереза“ – соопштија од полицијата.

Share on Facebook

Tweet

Follow us

Save