Се урна таван во училница во Србија, за среќа немало ученици

Во издвоено одделение основното училиште „Караѓорѓе“ во српското село Сараново кај Крагуевац денеска паднал таванот во една училница, а учениците се пратени дома и во училишната зграда нема да има настава, потврдија за агенцијата „Бета“ од Управата на училиштето.

Селото се наоѓа во општината Рача, помеѓу Крагуевац и Смедеревска Паланка. Од утре ќе се организира настава на друго место.

Како што дознава агенцијата од жителот на Рача Томислав Вељковиќ, кој јави за несреќата, реконструкцијата на училишната зграда во Сараново завршила пред само четири месеци.

За време на велигденските празници се урнала таванската конструкција од обновената училница, а утринава откако наставниците пристигнале во училиштето, било одлучено учениците да се вратат дома поради небезбедност на објектот.

Share on Facebook

Tweet

Follow us

Save