Се шегувавме дека ќе влезат пред нас ама… Претседателката на ЕП се надева дека Украина ќе започне преговори за ЕУ оваа година

Претседателката на Европскиот парламент Роберта Мецола се надева дека преговорите за членство на Украина во Европската унија ќе започнат оваа година.

Ова го изјави европскиот функционер на новинарите во Лавов. Таа изјави за напредокот што го постигна Украина во однос на препораките на Европската комисија, пренесе Укринформ.

„Кога велиме дека Украина е Европа, а Европа е Украина, тоа значи дека преговорите за пристап треба да започнат што е можно поскоро. И тоа значи, се надевам, веќе оваа година“, рече Мецола.

Според Мецола, таа е импресионирана од „напредокот што го постигна Украина во однос на препораките на Европската комисија“.

ЕУ, исто така, треба да одговара на брзината на овој напредок, рече таа.

Претседателот на Украина, Володимир Зеленски, денеска во Лавов се сретна со Роберта Мецола. Украина има за цел да го заврши спроведувањето на препораките на Европската комисија што е можно поскоро и да ги започне преговорите за влез во ЕУ веќе оваа година, рече Зеленски.

Минатата година 27 земји-членки на ЕУ одлучија да и дадат на Украина статус на кандидат за влез во блокот.

Share on Facebook

Tweet

Follow us

Save