„Се шегувале“: Туристи со нациcтички поздрав пред логорот во Аушвиц

Регионалната полиција соопшти дека една жена била приведена во неделата откако извршила нацистички поздрав пред „Arbeit macht frei“ („Работата го ослободува човекот“) влезната порта на поранешниот нацистички логор на смртта Аушвиц-Биркенау во близина на градот Освиечим во јужна Полска.

Според новинската агенција ПАП, туристката позирала за фотографија направена од нејзиниот сопруг. Жената ја признала вината и била казнета.

„Таа објасни дека тоа е глупава шега“, рече портпаролот на регионалната полиција Бартош Издебски.

Во 2013 година, двајца турски студенти беа казнети со парична казна и осудени на шест месеци затвор, суспендирани на три години, за слично извршување на нацистички поздрав пред главната капија на поранешниот камп.

Логорскиот комплекс Аушвиц, поставен од нацистичка Германија во окупирана Полска за време на Втората светска војна, беше ослободен од советската Црвена армија во јануари 1945 година.

Околу милион Евреи, 70.000 Полјаци, 25.000 Роми и Синти и 15.000 советски воени затвореници биле убиени во Аушвиц, главно во неговите гасни комори.

Share on Facebook

Tweet

Follow us

Save