Се шири ли фронтот против корупцијата? Најавен протест против измените во кривичниот законик

Најавен протест против измените во кривичниот законик од страна на студентите на правен.

Интересно е тоа што протестот се поклопува во времето и местото со претходно најавениот протест за скандалот со Онкологија, пред влада во понеделинк во 18 часот.

Ви го пренесуваме соопштението за протестот против измените во КЗ во целост:

Почитувани,
Како студенти кои се запишале на правните факултети во Македонија, не можеме да останеме рамнодушни на постојаната тенденција и постапки кои водат до целосно упропастување на правниот систем.
На Македонија и е потребна нова, некорумпирана генерација правници. Но страв ни е дека додека ние, како актуелни студенти, стасаме до позиции на правораздавачи – правдата ќе стане мисловна именка.
Чашата ја прелија новите брзи, нетранспарентни измени на Кривичниот законик. Затоа не можеме да бидеме тивки како студенти кои решиле да останат во Македонија и да се борат за правда во оваа држава.
Затоа ги повикуваме сите студенти, професори, граѓани да се приклучат на протест во понеделник во 18:00 часот пред Влада!
Доста е од злоупотреба на европското знаме, затоа бараме и сметаме дека е нужно некој конечно да одговара за ваквите фалсификувања.
Доста е од користење и урнисување на правото и законите за лични, политички интереси! Бараме правдата да ги стигне сите оние кои допринеле до огромната недоверба во правниот систем.

Евентот на протестот е на следниот ЛИНК

Share on Facebook

Tweet

Follow us

Save