Се јави и Филипче: ФРАНЦУСКИОТ ПРЕДЛОГ БИЛ НАЈДОБАР
Екс-министерот Филипче Венко се огласи преку својата фејсбук страница, каде напиша:
Ги живееме најемотивните моменти на поновата македонска историја, време во кое се носат историски одлуки за иднината на државата.
Ако нешто знам, тоа е дека во овие моменти најважно е да се задржи разумот за да може темелно и објективно да се анализираат опциите.
Емоциите не се добар сојузник, а оние кои ги искривуваат фактите со цел подгревање на емоциите, прават голема штета.
Она што треба да го направиме е да ги „извагаме“ можностите кои сега се на маса и да ги предвидиме следните чекори при секое од можните сценарија.
Ова е нужно за да донесеме државничка и одговорна одлука.
Прашањата кои треба да ги одговориме се:
1) Дали во брзо време и догледна иднина можеме да добиеме подобар предлог од овој?
На ова прашање немаме одговор, но факт е дека далеку поголеми се шансите да немаме ниту брзо нова можност ниту подобар предлог.
2) Дали со фактот (а тоа е факт) дека како Македонци кои говорат македонски јазик не го исполнуваме клучното ветување кое го дадовме пред себе, да го заштитиме јазикот и идентитетот?
Мислам дека одговорот е да.
Точно е дека остануваат отворени прашања во делот на историјатак, но во истиот дух и со исти сили ќе ги решаваме во билатералните преговори со Бугарија.
Тие нема да бидат услов за нашите преговори.
3) Каква е разликата ако Бугарија реши да не блокира додека преговараме и ако воопшто не почнеме да преговараме и останеме блокирани?
Навистина не ја гледам разликата како ќе имаме подобри позиции без почнати преговори, без решен јазик (а тоа е факт, јазикот го решаваме).
Кој гарантира, во ваква несигурна состојба во Европа и светот, дека утре ќе имаме подобри услови?
Кој знае дали во Бугарија ќе има „поразбрана“ власт која ќе ги прифати сите наши барања?
Слушнавме многу квалификации, пораки, но и небулози од опозицијата.
Многу начини како да се блокира решението, но, не и што после блокадата?
Кои се алтернативите, колку време и најважно – како планираат тие ова подобро да го решат?
Или планот е да останеме на статус кво уште неколку децении?
Предлогот не е идеален, но идеално нема да добиеме.
Овој предлог кој е прифатен од сите европски земји е најдобриот кој сме го добиле досега.
Имало и други предлог – решенија, но тие не биле прифатени од сите, со тоа и не може да се каже дека се решенија.
Затоа, да бидеме мудри и одговорни.
ПОВРЗАНИ ВЕСТИ
Буркина Фасо ги забрани радио станиците Би-Би-Си…
Буркина Фасо ја забрани работата радио станиците…
Петровска: ВМРО-ДПМНЕ го замениле името Македонија во…
Вечерва во ТВ соочување во емисијата само…
Пендаровски во Крушево: Не ни помислувам да…
Кандидатот на СДСМ за претседател на Македонија,…
Се јави Бучковски: ЗНАМ на Максим Димитриевски…
И на изборите во 2006 година имаше…
УТРЕ Е ЛАЗАРОВА САБОТА: Наберете го ова…
Утре е Лазарова Сабота, еден од поголемите…