СЗО: Од 8.000 до 10.000 луѓе умираат од Ковид-19 секоја недела

Од 8.000 до 10.000 луѓе умираат од Ковид-19 секоја недела, рече епидемиологот Марија Ван Керхове.

Керхове, која го предводи тимот за следење на заразни болести на Светската здравствена организација, изјави дека целта на СЗО за вакцинирање на 70 отсто од населението во секоја земја не е постигната.

Според неа, вакцинацијата против Ковид-19 е основна.

„Кога размислуваме за вакцинација, треба да земеме предвид дека 30 отсто од луѓето во светот се уште немаат добиено ниту една доза“, рече претставникот на СЗО.

Ван Керхове изјави дека во моментов, секоја недела, од 8.000 до 10.000 луѓе умираат од Ковид-19 и дека е можно да се спречи. Таа додаде дека во моментов има повеќе од 500 подсоеви на варијантата омикрон кои циркулираат низ светот.

Според нејзиното мислење, Ковид-19 нема да исчезне, но постои надеж дека ќе заврши глобалниот режим на итна здравствена заштита што е во сила од 2020 година.

Share on Facebook

Tweet

Follow us

Save