Силен земјотрес со епицентар во Романија, почувствуван и во Скопје!

Силен земјотрес од 5,4 степени според Рихтер денеска ја погоди Романија.

Според податоците земјотресот се случил во 13 часот и 16 минути, на длабочина од 10 километри со епицентар во Станешти, Горј.

Земјотресот е почувствуван во Србија и во Македонија, а граѓаните јавуваат дека потресот го почувствувале во Белград, Нови Сад и Скопје.

Српските медиуми јавуваат дека во Србија владеела паника и дека зградите силно се нишале.

„Живеам во 18-катница, на 6-ти спрат не ми беше сеедно, можам да замислам како се се тресеше на врвот на зградата“, изјави за српски Телеграф жена од Панчево.

„Во куќата ми се тресеше се, па дури и фрижидерот. Се исплашив. Не се чувствувам добро“, вели една белграѓанка.

Жителите од Скопје, особено оние кои живеат во висококатници исто така го почуствувале земјотресот. Велат дека долго време се нишало.

#Earthquake (#cutremur) possibly felt 22 sec ago in #Romania. Felt it? Tell us via:
📱https://t.co/LBaVNedOuH
🌐https://t.co/AXvOM7ICIP
🖥https://t.co/wPtMW5OaR1
⚠ Automatic crowdsourced detection, not seismically verified yet. More info soon! pic.twitter.com/PmALr0Pp7F

— EMSC (@LastQuake) February 14, 2023

Share on Facebook

Tweet

Follow us

Save