Сирискиот претседател Ахмед ал Шара пристигна во официјална посета на САД

Сирискиот претседател Ахмед ал Шара пристигна во Соединетите Американски Држави на официјална посета, јави сириската државна агенција САНА.

Ова се случува еден ден откако Ал Шара беше отстранет од црната листа на Вашингтон на лица и организации санкционирани за тероризам. Ал Шара, чии бунтовнички сили го соборија од власт Башар ал Асад на крајот на минатата година, ќе се сретне со американскиот претседател Доналд Трамп.

Се очекува сирискиот лидер да потпише договор за пристапување кон антиџихадистичката коалиција предводена од САД, соопшти американскиот пратеник за Сирија, Том Барак.

Терористичката групација  „Исламска држава“ беше поразена во 2019 година од коалицијата и Сириските демократски сили, претежно курдски милиции, кои сега преговараат за нивна интеграција во сириската армија. САД, од своја страна, предвидуваат воспоставување воена база во близина на Дамаск, соопшти дипломатски извор во Сирија.

Share on Facebook

Tweet

Follow us

Save