„Сите ќе ве заколам“: Гостиварец им се заканувал на сопругата и тритe деца
Јавен обвинител од Основното јавно обвинителство Гостивар поведе постапка против едно лице за кое постои основано сомнение дека сторило продолжено кривично дело – Загрозување на сигурноста од член 144 став 2 во врска со став 1 и во врска со член 45 од Кривичниот законик.
Обвинителството постапува по кривична пријава против 43-годишниот гостиварец, кој во повеќе наврати, со телефонски јавувања и СМС пораки, се заканувал на неговата ќерка и на неговата сопруга со кои извесен период не живееле заедно.
-На 8 март тој и лично дошол пред станот во кој престојувала сопругата со нивните три деца, ѕвонел на домофонот и по кратка расправија и се заканил дека „сите дома ќе ги заколе“. Полициските службеници, вршејќи проверки по пријавените закани, констатирале дека осомничениот и претходно е пријавуван за повеќе кривични дела, меѓу кои и за загрозување на сигурноста и телесна повреда при семејно насилство, па од тие причини станува збор за сериозни закани спрема оштетените, информираат од Обвинителството.
Осомничениот е лишен од слобода, а надлежниот јавен обвинител до Основниот суд во Гостивар поднесе предлог за определување мерка притвор поради опасноста тој да се даде во бегство или да го повтори делото.
ПОВРЗАНИ ВЕСТИ
Таткото на Вања со нова жалба пред…
Врховниот суд денеска одржа јавна седница по…
Две златни медали за Македонија: Нов успех…
Две златни медали за Македонија! Ова не…
Битиќи: Со Планот за раст на ЕУ…
„Политичката понуда веќе е јасна, само коалицијата…
ОГРАБИЛЕ КАЗИНО: Расчистено разбојништво во тетовско, приведени…
На 24.04.2024 во 10.50 и во 12.25…
Почина Велибор Џаровски – Џаро
По кусо боледување, денеска на 75 години…