Сите ќе си умрат? Песков: Странските платеници не може да сметаат на заштита согласно Женевската конвенција

Прес-секретарот на претседателот на Руската Федерација, Дмитриј Песков ги нарече Американците заробени во Украина „војници на среќата“ кои учествувале во нападите врз руската војска и јасно стави до знаење дека не можат да сметаат на заштитата на Женевската конвенција.

„Тие се војници на среќата и учествуваа во незаконски активности на територијата на Украина. Тие учествуваа во гранатирањето на нашата војска. Тие им се закануваа на нивните животи и мора да одговараат… за злосторствата што ги направија“, рече Песков во интервјуто за MSNBC.

Стејт департментот претходно соопшти дека ги проверува информациите за двајца американски државјани кои наводно биле заробени во Украина, каде што отишле да учествуваат во воените дејствија на страната на Киев.

Песков нагласи дека не ги смета Американците за членови на украинската армија.

„Не би навлегувал во објаснување на правната страна на нивното заробеништво. Едно е јасно – тие извршиле злосторства. Тие не се членови на украинската армија. Женевската конвенција не се однесува на нив“, рече тој.

Share on Facebook

Tweet

Follow us

Save