INFOMAX.MK

Претседателката Гордана Сиљановска Давкова, во рамки на учеството на 79. Генерално собрание на Обединетите нации, во Њујорк оствари средба со Александар Касаноф, заменик-помошник државен секретар на САД за Западен Балкан.

На средбата претседателката Сиљановска Давкова ја потенцираше важноста на стратешкото партнерство и пријателство со САД и изрази очекување за засилување на поддршката од официјален Вашингтон за што побрз почеток на пристапните преговори со ЕУ.

Во својот говор претседателката Гордана Сиљановска Давкова пред членовите на Генералното собрание на Обединетите нации рече дека од нашите европски и стратешки партнери се очекува разбирање и праведно деблокирање на процесот на преговори за членство во Европската Унија, отфрлање на двојните стандарди и почитување на сопствените принципи и вредности, вградени во основните уставни документи.

За прв пат откако стана претседател на државата,Силјановска Давкова го употреби новото уставно име на земјата а ниту еднаш не спомена Македонија.