Сиљановска и Вучиќ разговарале за уште посилно поврзување во областите од заеднички интерес

Претседателот на Србија, Александар Вучиќ синоќа објави дека разговарал со македонската претседателка, Гордана Сиљановска-Давкова, за регионални и билатерални прашања.

„Разменивме мислења за важни регионални прашања, понатамошно подобрување на соработката и можности за уште посилно поврзување во областите од заеднички интерес“, објави Вучиќ на Инстаграм.

Тој го оценил телефонскиот разговор како значаен и додал дека е истакната подготвеноста за продолжување на подобрувањето на односите меѓу двете земји.

„Србија останува посветена на зачувување на мирот и стабилноста и зајакнување на соработката со Северна Македонија, убеден дека тоа е во најдобар интерес на граѓаните на двете земји и на целиот регион“, напиша српскиот претседател.

View this post on Instagram

A post shared by Aleksandar Vučić (@buducnostsrbijeav)

Share on Facebook

Tweet

Follow us

Save