INFOMAX.MK

Претседателката Гордана Сиљановска Давкова, му ја честиташе на Косово 18-годишнината од прогласувањето на независноста, со порака дека се радува на продлабочување и зајакнување на партнерството во интерес на граѓаните.

„Ви честитам на 18-годишнината од прогласувањето на независноста на Република Косово. Ви посакувам стабилност и просперитет“, напиша Сиљановска Давкова на социјалната мрежа „X“. Таа изјави дека Косово и Македонија „како пријателски земји“, ги негуваат добрососедските односи и работат на исполнување на заедничката визија за европска интеграција на регионот.

„Се радувам на понатамошно продлабочување и зајакнување на нашето партнерство во интерес на нашите граѓани“, додаде Сиљановска Давкова, која синоќа присуствуваше на прием по повод 18-годишнината од прогласувањето на независноста на Косово организиран од Амбасадата на Косово во Скопјe.

🇲🇰 🇽🇰
Congratulations on the 18th anniversary of the declaration of independence of the Republic of Kosovo. I wish you stability and prosperity.

As friendly countries, we nurture good-neighborly relations and work toward fulfilling our shared vision for the European integration… pic.twitter.com/Mqk9FmrZ1m
— Гордана Сиљановска Давкова (Gordana Siljanovska) (@gogamkd) February 16, 2026