Си играат со човечки судбини: Луѓе болни од рак, се лечат на Онкологија без здравствено осигурување поради блокадите на “мицковистите”

Членовите на Советот на Град Скопје, како и членовите на управните и надзорните одбори во претпријатијата уништуваат човечки судбини на луѓе болни од рак, нагласи на денешната седница на Советот на Град Скопје, градоначалничката Данела Арсовска.

Како што кажа градоначалничката, со негласањето на плановите за вработување во претпријатијата се уништуваат човечки судбини на луѓе кои се болни од рак, се лечат на Онкологија, а немаат здравствено осигурување затоа што не можат да бидат редовно вработени во претпријатието поради блокадите од советот.

– Вашите управни одбори не гласаат да може да функционира ЈСП, луѓето таму се борат за живот, има луѓе таму немаат здравствено осигурување, болни се од канцер, се лечат на Онкологија, а не можат да си покријат основно здравствено осигурување… И некој тука има образ да зборува… Да се срамите сите! Тој мицковизмот е рак рана на македонското општество, истакна Арсовска.

Share on Facebook

Tweet

Follow us

Save