“Си легнаа на брашното”: Србите го увериле Хил дека ја повлекле војската од границата со Косово

Министерството за одбрана на Србија вечерва соопшти дека американскиот амбасадор Кристофер Хил и шефот на делегацијата на Европската унија во Белград, Емануеле Жиофре, денеска биле гости на вицепремиерот и министер за одбрана Милош Вучевиќ и на началникот на Г. Штабот на српските вооружени сили, генерал Милан Мојсиловиќ, за време на кратка посета на некои единици на Вооружените сили на Србија во пошироката област на Нови Пазар, објави N1.

Тие „при посетата… имаа можност да се уверат дека единиците на српските вооружени сили на тој простор само ги извршуваат своите редовни задачи“, се наведува во соопштението.

„Потенцираме дека во таа прилика ниту еден од странските државјани не бил превезен со хеликоптер на Војската на Србија“, се додава во соопштението на Министерството за одбрана во врска со претходните неофицијални наводи дека американскиот амбасадор со хеликоптер допатувал во Нови Пазар со министерот Вучевиќ.

Претходно денеска Нова, повикувајќи се на неофицијалните сознанија на агенцијата Бета, објави дека Хил престојувал во Нови Пазар и Рапка, каде што пристигнал со хеликоптер на Војската на Србија.

Share on Facebook

Tweet

Follow us

Save