Скандалозен е пристапот на власта кон делото на Делчев, вели опозицијата
Власта крајно нетранспарентно води преговори со Бугарија и не и кажува на јавноста што содржи пакетот одговори, ниту пак каков е ставот во однос на јазикот, историјата, ликот и делото на Гоце Делчев и останатите револуционери и други идентитетски теми, вели ВМРО-ДПМНЕ.
Власта крајно нетранспарентно води преговори со Бугарија и не и кажува на јавноста што содржи пакетот одговори, ниту пак каков е ставот во однос на јазикот, историјата, ликот и делото на Гоце Делчев и останатите револуционери и други идентитетски теми, вели ВМРО-ДПМНЕ.
„Тоа е крајно скандалозно. Штом ги нема официјалните документи на увид на јавноста, тоа остава сомнеж дека се подготвува нов пазар со националните и државните интереси.
Ако власта е подготвена не само декларативно, туку и со дела да покаже дека го почитува ликот и делото на Гоце делчев и неговото значење за револуционерната борба за македонска државност, тогаш треба да ја поддржи Декларацијата која пратеничката група на ВМРО-ДПМНЕ ја достави до Собранието на Република Македонија.
На тој начин ќе се покаже сплотеност околу неспорниот македонски деец и водач во ослободувањето на Македонија и идејата за самостојна Република Македонија, но и значи одговор на негаторските ставови по однос на македонската историја и борба за државност.
Декларацијата базирана на европските принципи е во насока на достојно почитување, прославување и одбележување на дострелите на нашите предци во минатото, можат дополнително да ги зајакнат демократските темели на државата и на општеството. Во исто време повикува на институционално и општествено вреднување на делото на Гоце Делчев во годината кога се одбележуваат 150 години од неговото раѓање.
Власта е на потег“, се вели во соопштението.
ПОВРЗАНИ ВЕСТИ
СДСМ: ВМРО-ДПМНЕ и ДУИ играат опасна игра…
СДСМ утрово соопшти дека го прифаќа исходот…
Битиќи: На 8 мај сите прогресивни сили…
„Сите прогресивни сили ќе гласаат против ксенофобијата…
„Нема плата ако не гласаш за ВМРО“:…
Функционери на ВМРО-ДПМНЕ во Македонска Каменица му…
(Фото+видео) Мицкоски на средба со бугарски мафијаш:…
QUO VADIS Мицкоски? (Или „Каде одиш Мицкоски“…
Ахмети: За грешките на Мицкоски сметката не…
Претседателот на ДУИ, Али Ахмети вечерва во…