Скопје знае колку значи солидарноста: Луѓе масовно донираат храна, облека, хигиенски средства на пукнтот на плоштадот Македонија

Граѓаните масовно донираат облека, храна, хигиенски средства и се она што сметаат дека им е неопходно на луѓето погодени од разорниот земјотрес во двете земји.

Пунктот е отворен 24 часа се со цел поголема достапност до граѓаните.

Од таму информираат дека акцијата ќе трае до сабота на полноќ, по што потоа истите ќе започнат да се транспортираат кон погодените подрачја.

Досега во земјотресот загинаа над 8 илјади луѓе, а Македонија како земја, општините и институциите на различни хуманитарни начини се вклучуваат во оваа мисија.

Секој кој има можност може да донира 100 денари преку вртење на телефонскиот број 143 400 за сите оператори и да помогне на жртвите од земјотресите во Турција и Сирија.

Share on Facebook

Tweet

Follow us

Save