Скопје памети, 63 години од катастрофалниот земјотрес
Скопје денеска одбележува 63 години од катастрофалниот земјотрес што се случи на 26 јули 1963 година, кога животот го загубија 1.070 лица, а 3.000 беа повредени.
Во рамки на одбележувањето, делегација на Собранието составена од пратениците Сергеј Попов и Даниела Николова, во 10 часот ќе положи венец со цвеќе пред Споменикот на жртвите од катастрофалниот земјотрес на гробиштата во Бутел.
Во исто време, цвеќе ќе положат и претставници на Град Скопје, во рамки на централното комеморативно чествување посветено на жртвите од трагедијата.
Вечерната програма ќе започне во 19:30 часот во Музејот на град Скопје со отворање на изложбата „63 години – Скопје ‘63“, чиј автор е Зоја Богдановска, кустос советник и историчар. Поставката преку автентични фотографии и архивски материјали ги прикажува првите часови по земјотресот, сведоштвата на преживеаните и напорите за спасување, ставајќи ги во фокус човечките приказни и емоции од денот што засекогаш го промени градот. Изложбата ќе стане дел од новата постојана поставка во музејот.
ПОВРЗАНИ ВЕСТИ
Пронајден починат 39-годишен струмичанец во дворот на…
Тело на 39-годишник од Струмица е пронајдено…
Уште една птица е заразена со западнонилска…
Состојбата заклучно со денешниот ден е дека…
13-ГОДИШНО ДЕТЕ СЕ БОРИ ЗА ЖИВОТ –…
Тринаесетгодишно дете се бори за живот откако…
Мицкоски за дата центрите: Јасно е каде…
Претседателот на Владата, Христијан Мицкоски денеска при…
Два американски воени авиони слетаа на аеродромот…
Два големи американски воени авиони биле забележани…