Следува ново вето? Убиството на Алексеј Петров ќе биде пречка за влез на Бугарија во Шенген?

Убиството на бугарскиот бизнисмен Алексеј Петров не треба да се меша со приемот на Бугарија во Шенген, кој има своја траекторија и јасни правила – вака портпаролката на Комисијата, Анита Хипер, одговори на прашање како овој случај ќе влијае на приемот на земјата во зоната.

Засега вето наметнуваат две земји членки – Холандија и Австрија. Холандија како мотив ги наведува организираниот криминал и корупцијата во Бугарија.

Хипер потсети дека ставот на Комисијата е непроменет долго време. Веќе 12 години тврдиме дека Бугарија и Романија се подготвени за Шенген, нагласи таа.

Таа изрази очекување дека оваа година Советот на ЕУ ќе донесе одлука со која тие ќе станат негови полноправни членки.

Share on Facebook

Tweet

Follow us

Save