Словачка: Додека Западот се двоуми ние дониравме воена опрема во Украина

Словачка и покрај двоумењето на Западот за донација на воена опрема на Украина, сепак и донираше моќен систем за ракетна одбрана С-300 на украинските сили за да помогне во одбраната од руската агресија. Ова го изјаваи словачкиот премиер Едуард Хегер, пренесе Ал Џезира.

„Можам да потврдам дека Словачка донираше ракетен систем С-300, врз основа на нивното барање да им помогне во самоодбрана“, рече Хегер.

Во меѓувреме украинскиот министер за надворешни работи, Дмитро Кулеба, на неколку пати ги повикуваше земјите членки на НАТО да му го дадат на Киев сето оружје што му е потребно во неговата битка со руските сили, додека неиспровоцираната инвазија на Владимир Путин врз Украина влезе во седмата недела на 7 април.

Инаку, системот С-300 е противракетен систем произведен во СССР, а функционира и денес. Словачка наследи еден таков систем по распадот на Чехословачка.

Share on Facebook

Tweet

Follow us

Save