Словенија е во полуневообичаена состојба – за 36 часа ќе врне дожд како за еден месец!

Поради вонредниот настан, кој доаѓа во форма на обилни и долготрајни врнежи, Агенцијата на Република Словенија за животна средина (АРСО), Геолошкиот завод, Дирекцијата за заштита и спасување и Цивилната заштита издадоа бројни предупредувања за претстојните временски проблеми во следните 36 часа.

АРСО предвидува дека денеска за 24 часа на северозападот на Словенија би можело да наврне дожд од 100 до 125 милиметри, во Приморско 50 до 85, на други места 50 до 75. Ништо подобро нема да биде во петок, пренесува „Словенске новице“.

Во ноќта меѓу четврток кон петок поројните водотеци и помалите реки во северниот и централниот дел на Словенија првично нагло ќе се покачат. Порастот на водостојот на реките во петок ќе се интензивира во текот на денот и ќе се прошири во поголем дел од државата, предвидуваат метеоролозите.

„Во почетокот, веројатни се поројни поплави и поплави на помали реки, во петок во текот на денот и во сабота навечер, поплави на реки во Подравина, Помурје, Посавје, во сливовите на Савиња и Крка, Колпа и во поширокото подрачје на централна Словенија“, стои во предупредувањето.

Бранко Грегорчич од АРСО рече дека ова лето носи многу лоши временски услови и дека таков развој одамна не е виден. Тој предупреди дека денешниот временски развој ќе биде малку поинаков од оние во последните недели.
„Тоа повеќе ќе потсетува на таков есенски дожд, бидејќи временскиот фронт над Словенија ќе се задржи 36 часа.

Есенската динамика и изобилството на топлина и влага ќе донесат нови и интензивни врнежи од дожд. Претежно ќе бидат продолжени интензивни врнежи кои може да се појават на истите подрачја“, рече тој.
Се проценува дека до сабота наутро ќе наврнат меѓу 50 и 100 литри дожд, на некои места и 150 до 200 литри дожд и тоа за помалку од 36 часа.

„Ваквите количини се карактеристични за еден месечен период“, објаснува метеорологот и додава дека поради толку многу дожд, кој ќе предизвика порои и лавини, издале портокалово предупредување. „Можеме да го подигнеме нивото на закана на црвено предупредување“, додаде тој.

Со прогноза за обилни врнежи и можност за поплави, командантот на словенечката цивилна заштита Сречко Шестан издаде наредба за подготвеност на системот за цивилна заштита на целата територија на Словенија

Share on Facebook

Tweet

Follow us

Save