Сменетиот украински министер ќе биде советник на италијанскиот министер за одбрана

Поранешниот украински министер за одбрана Михајло Федоров објави дека ја прифатил понудата да биде советник на италијанскиот министер за одбрана Гвидо Кросето за иновации во одбраната.

„На оваа позиција ќе ѝ помогнам на Италија да развие модерни технологии за војување, да го подобри одбранбениот сектор и да се прилагоди на новите безбедносни предизвици во светот“, кажа Федоров.

Член на тимот на Федоров изјави за „Политико“ дека тој ќе ја комбинира советничката улога со неговиот главен фокус на основање фонд за инвестиции во украинската одбрана.

Федоров, кој повика на избори во Украина откако беше исфрлен од владата во најновата реконструкција на претседателот Володимир Зеленски, нагласи дека не се сели во Рим.

„Мојот главен фокус останува непроменет. Ќе продолжам да работам во Украина на проекти за зајакнување на одбраната на земјата и привлекување меѓународни ресурси“, рече Федоров.

Тој беше министер за одбрана само шест месеци, но неговата неочекувана смена доведе до протести низ Украина, а потоа и до разрешувањето на шефот на војската Олександр Сирски.

Share on Facebook

Tweet

Follow us

Save