Смртно избодел ученичка во училиште во Германија, го убил и мажот кој се обидел да ја спаси

Во приватно училиште во близина на Берлин денес се случи напад со нож, при што загинаа две лица. Напаѓачот е уапсен, соопшти полицијата. Нападот се случил во градот Гозен-Ној Цитау, на границата помеѓу Берлин и сојузната покраина Бранденбург.

Убиени се 18-годишна ученичка и 30-годишен маж кој се обидел да ѝ помогне. Засега нема информации дали некој друг е повреден.

Според медиумските извештаи, уапсениот напаѓач има 19 години и наводно е поранешен партнер на убиеното девојче. Неговата националност сè уште не е позната, ниту пак е познато дали посетувал училиште каде што се случил нападот, пренесе „Хина“.

Пред нешто повеќе од еден месец, 16-годишник од хрватско потекло нападна и сериозно повреди две девојчиња во неговото училиште во Баварија.

Во Германија, во 2025 година се регистрирани речиси 30.000 напади со нож, од кои речиси 1.000 завршиле со смрт.

Share on Facebook

Tweet

Follow us

Save