Советник од ВМРО-ДПМНЕ во О. Конче со навреди и закани кон жена – ја нарекува „лезбејка“ и ја повикува на сексуален чин

Советник од редовите на ВМРО-ДПМНЕ во Општина Конче е инволвиран во скандал поради навредлив и заканувачки говор кон жена, која е обична граѓанка. Инцидентот се одвивал преку приватна комуникација, во која советникот употребува крајно недоличен и деградирачки речник.

Според материјалот кој стигна до нашата редакција, советникот ја нарекува жената „лезбејка“ со навредлива конотација, искажува непристојни сексуални инсинуации, меѓу кои и повик на орален секс, а воедно ѝ се заканува и ја повикува на лична средба за како што пишува да снимале „порно филм“.

Ова однесување претставува грубо прекршување на основните принципи на јавна комуникација, како и на етичките и морални стандарди кои треба да ги следат избраните претставници на народот. Советникот, кој е во функција што подразбира служба на граѓаните, со своите постапки демонстрира сексизам, омраза и злоупотреба на јавната позиција.

Реакции се очекуваат од ВМРО-ДПМНЕ, од која јавноста бара јасен став и санкции за ваквото однесување.

Комисијата за спречување и заштита од дискриминација, како и Министерството за внатрешни работи, треба да се вклучат со истрага и да преземат соодветни мерки против локалниот функционер на ВМРО-ДПМНЕ.

Овој случај отвора прашања за злоупотреба на функцијата и поттикнување на говор на омраза врз основа на пол и сексуална ориентација, што претставува сериозно прекршување на човековите права и достоинството на поединецот.

Извор: Антропол

Share on Facebook

Tweet

Follow us

Save