Сончево и многу топло, попладне опасност од невреме

Денес времето ќе биде сончево и многу топло, со мала до умерена локална облачност. Попладне, на места ќе има зголемена облачност и услови за појава на пороен дожд, грмежи и засилен ветер.

Локално се очекува и изолирано невреме со силен ветер и појава на град.

Минималната температура ќе се движи од 13 до 21 степен, додека максималната ќе достигне од 32 до 40 степени.

Во Скопје денес ќе биде сончево и топло, со мала до умерена облачност. Попладне во делови од Скопската Котлина ќе има услови за краткотраен пороен дожд и грмежи. Ќе дува слаб до умерен ветер од северен правец.

Минималната температура во главниот град ќе се спушти до 20 степени, а максималната ќе достигне 37 степени.

Share on Facebook

Tweet

Follow us

Save