Со „мерцедесот на Груевски” Штајнмаер дојде во Кавадарци!
Претседателот на Сојузна Република Германија, Франк-Валтер Штајнмаер денес попладне дојде во Кавадарци, а посетата била резултат на германските инвестиции во градот.
Тој пристигна со луксузниот мерцедес од речиси 600.000 евра, а за кој поранешниот премиер Никола Груевски беше осуден на две години затвор, за примање награда и противзаконито влијание за случајот ,,Тенк”, а за истиот случај началникот за јавни набавки Ѓоко Поповски доби 6 години и шест месеци за злоупотреба на службена должност и овластување.
Ексминистерката за внатрешни работи Гордана Јанкулоска пак, беше осудена на 6 години затворска казна за злоупотреба на службената положба.
Помеѓу граѓаните кои го забележале доаѓањето на германскиот претседател имаше такви кои веднаш прокоментираа дека станува збор за ,,луксузното возило на Груевски”, а градоначалникот Јанчев за ,,Фокус” потврди дека се работи за истото возило.
За време на посетата во Кавадарци, Јанчев и Штајнмаер разменија подароци, филигран со симболот на вечноста за германскиот претседател и филигран со логото на Синалко за семејната компанија на градоначалникот Кожуфчанка, бидејќи Штајнмаер потекнувал од местото каде се наоѓала фабриката на Синалко во Германија.
Кога е мерцедесот во прашање, уште пред околу пет години поранешниот премиер Зоран Заев јавно изјави дека возилото ќе биде продадено, а со парите ќе се набават амбулантни возила.
Потоа мерцедесот беше конзервиран, бидејќи бил материјален доказ во случајот ,,Тенк”, и продажбата беше одложена.
По пресудата на Апелација, за случајот ,,Тенк” Груевски доби 2 години затворска казна, а Јанкуловска и Поповски по четири години, а мерцедесот и по завршувањето на постапката очигледно останува да се користи за потребите на Владата.
ПОВРЗАНИ ВЕСТИ
Предложен притвор за вработен во ДЗС осомничен…
Основното јавно обвинителство Скопје донесе Наредба за…
Осум месеци затвор за Игор Дашковски кој…
Основниот кривичен суд Скопје го осуди 44-годишниот…
Росица пријавувала насилство, тие не постапувале: Обвинение…
Основното јавно обвинителство за гонење на организиран…
Трамп на 19 ноември планира одделна средба…
Американскиот претседател Доналд Трамп планира на 19…
Рубио и експертите тврдат: Технолошките прекини што…
САД не се под системски напад, изјави…