Спасовски: Национален интерес е Македонија да биде дел од ЕУ

Клучен момент за евроатланските процеси, но и за целиот регион се очекувањата за уставни измени, според министерот за внатрешни работи, Оливер Спасовски во гостувањето на ТВ Сител. 

– Мислам дека сега одредени состојби, геостратешките политики и испреплетувањето на интересите, од една страна покажаа дека Европа не може да биде целосно консолидирана доколку земјите од Западен Балкан не бидат дел од Европската Унија и тоа создаде еден поголем интерес за интеграција на Република Македонија и на државите од регионот генерално и мислам дека тој момент мора да биде искористен.

А за да биде искористен не треба само декларативни изјави и кажувања за тоа што ние сакаме и посакуваме како политички водства и генерално политички партии, туку тоа треба да го покажеме пред граѓаните. Мислам дека кога се зборува за национални интереси, а еден од клучните национални интереси е Република Македонија да биде дел од европското семејство тука нема ниту политика ниту политиканство, тука треба да се гледа интересот на државата и на граѓаните – истакна Спасовски. 

Share on Facebook

Tweet

Follow us

Save