Спасовски открива дека МВР спречила хакерски напади врз пописот, дури од Русија

„Ние сме прогласени од Русија за земја-непријател, со што сме на мета на сајбер-напади, но такви напади ние имаме откако почнавме со пристапниот процес во НАТО. Имаше многу напади, дури и во последниот месец“ рече министерот за внатрешни работи Оливер Спасовски вечерва во емисијата „Клик плус“ на ТВ21.

Тој додаде дека најважно е тоа што државните институции изградиле механизми кои создаваат отпорност од вакви напади и дека државата успешно ги гради капацитетите.

„Најголемиот предизвик во сајбер-безбедноста се човечките ресурси, но ние имаме навистина добри експерти во делот на компјутерски криминал и компјутерска форензика. Тие капацитети ги зголемуваме со подобрување на условите за работа“ рече Спасовски.

Министерот додаде дека сајбер-напади имало и за време на одржувањето на пописот, но МВР и Телеком успешно ги одбиле и ниту еден од тие напади не направил посериозен проблем и не уништил податоци.

Share on Facebook

Tweet

Follow us

Save