„Спијте мирно“: Во тек седницата на Советот за безбедност во Вилата Водно

Во Вила Водно попладнево започна седницата на Советот за безбедност, свикана од претседателката Гордана Сиљановска-Давкова, на која се разгледува безбедносната состојба во земјава по најновите случувања на Блискиот Исток.

На седницата присуствуваат претседателот на Собранието Африм Гаши, премиерот Христијан Мицкоски, како и министрите за внатрешни работи, одбрана и надворешни работи, заедно со други членови на Советот и раководителите на безбедносните служби.

Советот за безбедност е највисоко советодавно тело во државата што ги разгледува прашањата поврзани со безбедноста и одбраната и дава предлози до Собранието и Владата. Седниците се затворени за јавноста, освен во случаи кога претседателот ќе одлучи поинаку.

Share on Facebook

Tweet

Follow us

Save