“Спречен голем криминал”: Косовската полиција заплени 3,5 тони пиперки од Србија

Косовската полиција синоќа спречи шверц на над три и пол тони пиперка на северот, со своите резултати се пофали и самата косовска полиција, а пренесоа косовските медиуми.

Тие наведуваат дека нивните единици синоќа околу 22.15 часот во селото Бистрица кај Лепосавиќ запреле камион со српски регистарски таблички. Контролниот пункт Бистрица контролиран од косовските специјални сили всушност се наоѓа во општина Звечан.

Во камионот откриле 3.600 килограми црвен пипер, за кој потоа обвинителот покренал постапка за шверц.

Стоката и возилото се одземени и испратени на царинскиот терминал.

Случајот ќе продолжи да го води Регионалната истражна единица на Регионалната управа на Граничната полиција-Север, потврди косовската полиција.

Share on Facebook

Tweet

Follow us

Save