Србин погоден од калашников од припадник на КФОР?

Во денешните судири во Звечан меѓу припадниците на КФОР и српскиот народ има многу повредени од двете страни, јавува репортерот на Танјуг.

Еден Србин се здобил со прострелна рана од „калашников“, а меѓу повредените е и репортерот на Танјуг кој бил погоден од шок бомба.

Повредените се сместени во Здравствениот дом во Звечан, а оние со посериозни повреди се пренесени во болницата во Косовска Митровица.

Во Лепосавиќ и Зубин Поток граѓаните се разотидоа и таму е мирно.

Конфликтот избувна кога припадниците на КФОР насилно почнаа да ги разбиваат српските демонстранти, кои мирно седеа пред општината Звечан, пренесува “Политика”

Откако меѓу 200 и 300 Срби не го исполнија ултиматумот на КФОР да се оддалечат од возилата на косовската полиција, кои беа опколени од Срби, КФОР ги нападна демонстрантите со палки, шок-бомби и солзавец.

Share on Facebook

Tweet

Follow us

Save