Србите до денес предале вкупно 102.818 парчиња оружје и мински експлозивни направи

Граѓаните на Србија и предале на полицијата вкупно 102.818 парчиња оружје и мински експлозивни направи во рамки на акцијата „Предајте го оружјето“, од 8 мај до денеска, соопштија од МУП за Танјуг.

Од почетокот на акцијата до сега се предадени 77.003 парчиња оружје, 4.045.246 парчиња муниција и 25.815 парчиња мини и експлозивни направи, а тие бројки вклучуваат легално и нелегално оружје и експлозивни направи кои се предадени по смртта на лицето.
Граѓаните и денеска и утре можат да го предадат оружјето без никаква кривична одговорност, без потреба да се легитимираат, да остават податоци за себе и да го докажат потеклото на оружјето.
Дополнително, граѓаните можат да повикаат полициски службеници на адреса и да го предадат оружјето.

Share on Facebook

Tweet

Follow us

Save