„Србите играа како рекреативци кои едвај чекаат да заминат на – пиво!“
Вчерашното реми на Србија против Камерун (3-3) во меч во кој водеа со 3-1 сѐ уште е омилена тема за медиумите, особено во регионов, каде што многу аналитичари силно удрија по репрезентативците на нашиот северен сосед како и по нивниот селектор, Драган Стојковиќ-Пикси.
Еден од тие што ги жестоко го искритикува Србите беше и поранешниот хрватски репрезентативец, Јошко Јеличиќ.
„Имаше ситуации кога Србите ќе отидеа во напад со петорица фудбалери, по што никој од нив не се враќаше назад. Ова ме потсети на рекреативци кои не можат да мрднат во последните десет минути од терминот и кои едвај чекаат тој да истече за да заминат на пиво. Но, во Србија имаше сериозни фудбалери кои не се враќаа во одбрана. А, требаше само да ја поместат задната линија десетина метри поназад кога видоа дека Камерун почнува жестоко да напаѓа, сигурно ќе им дадеа уште некој погодок. Ситуацијата на теренот на 3-1 делуваше неверојатно, дури и несериозно и ме чуди што Пикси не изреагира и не воведе фудбалер кој би го стабилизирал неговиот состав“, кажа Јеличиќ.
Србите третиот меч од групната фаза го играат в петок против Швајцарија, која мора да ја победат ако сакаат да се пласираат во следната рунда на Мундијалот во Катар.
Извор: sport1.mk
ПОВРЗАНИ ВЕСТИ
ПОЖАР ВО СЕДИШТЕТО НА ЦИА: Пожарникари интервенирале…
Пожар избувнал во седиштето на американската Централна…
САД предупредуваат дека украинските напади длабоко на…
Пентагон денеска ги замоли западните земји кои…
КИБЕРНАПАД ВРЗ НАЈГОЛЕМИОТ СНАБДУВАЧ СО ПРИРОДЕН ГАС…
Норвешкиот енергетски гигант „Еквинор“ (Equinor), најголемиот снабдувач…
ПОРАНЕШНИОТ БУГАРСКИ ЦАР СО ПОРАКА ПО СРЕДБАТА…
Поранешниот бугарски цар и експремиер Симеон Сакскобурготски…
НЕОЧЕКУВАН ПОВИК ВО ИЗРАЕЛСКИОТ ПАРЛАМЕНТ: Нетанјаху итно…
Израелскиот премиер Бенјамин Нетанјаху, според информации што…