Србите слават Видовдан во Газиместан: Косовската полиција претресува и соблекува маици со српски обележја!

По литургијата во манастирот Грачаница, насобраните граѓани и со своите возила и организирано со автобуси тргнаа кон Газиместан, каде патријархот Порфириј ќе им оддаде почит на загинатите косовски херои.

Полициските патроли се присутни во многу поголем број од лани.

На влезот во Газиместан се претресуваат чанти, а граѓаните кои имаат маици со српски национални симболи се замолуваат да ги соблечат, пишува Косово онлајн.

Дополнително, собирот е без инциденти, а годинава се очекува да дојдат многу повеќе луѓе од претходните, се додава.

Полицијата, која вчера најави зголемување на безбедносните мерки, ја надгледува областа и со беспилотни летала.

Освен Србите од Косово и Метохија, на одбележувањето на Видовдан дојдоа и многумина од Србија и Црна Гора.

Share on Facebook

Tweet

Follow us

Save