INFOMAX.MK

Американскиот претседател Доналд Трамп номинираше неколку кандидати за амбасадорски, судски и високи административни позиции, вклучувајќи ги и новите амбасадори на САД во Србија, Бугарија, Црна Гора и Босна и Херцеговина, објави Белата куќа на својата официјална веб-страница.

Американскиот претседател Доналд Трамп го номинираше Даглас Холдер за амбасадор на Соединетите Американски Држави во Бугарија. Холдер, 59, служеше во Претставничкиот дом на државата Флорида 8 години. Даг Холдер дипломирал политички науки на Универзитетот во Тенеси. Долгогодишен член на Републиканската партија. Тој се занимавал и со приватен бизнис. Номинацијата на Холдер мора да биде изгласана од Сенатот пред да биде официјализирана. Доколку биде одобрена, Даг Холдер ќе биде назначен речиси година и пол откако Кенет Мертен поднесе оставка од функцијата амбасадор на САД на почетокот на минатата година.

Мајкл Јанг е почитуван американски адвокат и дипломат кој е номиниран од претседателот на САД за нов амбасадор во Србија. Тој е искусен експерт за меѓународно право и дипломатија кој во текот на својата кариера имал високи позиции во Стејт департментот и раководел со неколку големи американски универзитети.

Питер Мекој, од Јужна Каролина, ќе биде вонреден и ополномоштен амбасадор на Соединетите Американски Држави во Црна Гора.

Роналд Џонсон, од Масачусетс, ќе биде вонреден и ополномоштен амбасадор на Соединетите Американски Држави во Босна и Херцеговина.

Сите номинации можете да ги погледнете на следниот ЛИНК.