Србија во 96 минута се спаси од пораз од Бугарија
Српската фудбалска репрезентација ремизираше на гостувањето кај Бугарија во натпреварот од 4.коло од Г-групата квалификации за ЕП – 1:1 (0:0)!
Се чинеше дека Бугарите ќе земат три бода, по голот на Кирил Десподов во 47. минута, но резервистот на „орлите“ Дарко Лазовиќ во 96. со одличен гол од околу 14-15 метри ја спаси Србија.
Тоа беше негово деби во репрезентативниот дрес и не можеше да дојде во подобро време, бидејќи Србија во Разград го одигра еден од најслабите натпревари откако Драган Стојковиќ е селектор.
Србија со овој гол остана на првото место во групата Г, иако сега на делба со Унгарците. И двете селекции сега имаат по седум бода, три повеќе од третопласираната Црна Гора, додека Бугарите практично се отпишани. Имаат два бода, но и натпревар повеќе од споменатите три екипи.
Србија можеше да постигне гол и малку порано, кога Дејан Јовељиќ имаше две шанси во 89. и 91. кога беше блокиран. А потоа Ѓорѓе Јовановиќ во 95-та кога не шутираше (а требаше), следеше ударот на Лазовиќ непосредно пред последниот судиски свиреж.
Србија настапи без неколку повредени играчи, пред се без Митровиќ, Влаховиќ, Јовиќ и Радоњиќ, но овој тим кој го одбра Пикси за дуелот во Разград не направи ништо.
Извор: Фокус
ПОВРЗАНИ ВЕСТИ
Мисијата на Србија во ОН апелира до…
Вршителот на должноста во Постојаната мисија на…
Вучиќ: Србија е нападната на многу расипан…
Претседателот на Србија, Александар Вучиќ, денеска по…
Бугарски медиуми: Хилари Клинтон е во посета…
Хилари Клинтон е во посета на Бугарија,…
(Анкета) Србија е најголем сојузник на Македонија,…
За најголем сојузник на Македонија нашите граѓани…
Бугарија е најголема закана за Македонија –…
Балканските земји се сметаат за непријатели, покажува…