Србија ги намали цените на ковид тестовите, се намалува и периодот на карантин за позитивните

Сите постоечки епидемиолошки мерки остануваат на сила, беше соопштено по седницата на Кризниот штаб на Владата на Србија за борба против корона вирусот.
Беа донесени следните одлуки:
Основците во Војводина од понеделник продолжуваат со директно образование, а средношколците со комбиниран тип на образование. Во вторник во останатиот дел од Србија ќе се одржат дополнителни консултации на почетокот на втората половина од годината, но најблиско решение е она во Војводина. Причина е појавата на грипот кој минатата година го немаше.
Помеѓу втората и третата (бустер) доза на вакцината, доволни се три месеци.
Периодот на изолација на заболените пациенти се скратува од десет на седум дена.
Цената на ПЦР тестот се намалува од 9.000 на 6.000 динари, а антигенскиот тест од 3.500 на 1.800 динари.

Share on Facebook

Tweet

Follow us

Save