Србија доби најсовремен лек за Корона – Досега само Британија го имаше лекот во Европа

Министерството за здравство на Србија соопшти дека денеска пристигнал првиот контингент од лекот против коронавирусот од вирусот Паксловид.

Србија е првата земја во континентална Европа која го доби овој лек (во Европа беше доставен во Велика Британија), десет дена откако ЕМА одобри употреба и продажба на овој лек, се вели во соопштението на Министерството.

Комисијата на Министерството за здравство, со која претседава професор д-р Горан Стевановиќ, директор на Клиниката за инфективни болести, направи дистрибутивна листа врз основа на која лекот ќе се дистрибуира меѓу здравствените установи.

Паксловид е антивирусен лек кој содржи две компоненти ритонавир и нирматрелвир и е наменет за орална употреба. Индициран е за третман на инфекција со Ковид-19, кај возрасни на кои не им е потребен дополнителен кислород и кои имаат зголемен ризик од прогресија во тешка форма на болеста. Се препорачува да се започне со употреба на лекот во првите пет дена по почетокот на симптомите.

Србија на крајот на минатата година беше меѓу првите, заедно со САД и Велика Британија, што потпиша договор со претставници на компанијата „Фајзер“ за набавка на најдобриот лек против коронавирус, кој го намалува ризикот од хоспитализација и тешки болести и до 89 проценти.

Министерот за здравство, д-р Златибор Лончар, тогаш посочи дека вакцината останува основно оружје во борбата против вирусот, а дека лекот Паксловид е дополнителен напор на државата за зачувување на здравјето на граѓаните.

Share on Facebook

Tweet

Follow us

Save